藏傳佛教 沙彌和比丘 與 白衣的密續瑜伽ཕ་ཡུལ་རྫོགས་ཆེན་ཤྲཱི་སེངྷ་ཧའི་དབྱར་གནས་ལྗོངས་རྒྱུ། ཐུབ་བསྟན་སྤྱི་ཡི་སྒྲོམ་གཞི་ཆོས་འདུལ་བ།། 持明 仁增塔欽

持明 仁增塔欽仁波切 2021.09.08

藏傳佛教大大小小的寺廟中，有持戒嚴謹之滿地染紅的沙彌和比丘們；同時，巍峨雪山照亮了穿著白衣的密續瑜伽士，也有許多人在此生就達成證悟。

這就是顯密雙修的世界、雪域圍繞的藏傳佛教，您懂嗎？吧

ཕ་ཡུལ་རྫོགས་ཆེན་ཤྲཱི་སེངྷ་ཧའི་དབྱར་གནས་ལྗོངས་རྒྱུ། 

ཐུབ་བསྟན་སྤྱི་ཡི་སྒྲོམ་གཞི་ཆོས་འདུལ་བ།།

བསྟན་པ་ཡོངས་ཀྱི་རྩ་ལག་སྔགས་བརྒྱུད་སྡེ།།

རྒྱལ་བསྟན་སྙིང་པོའི་ཉམས་ལེན་རྫོགས་པ་ཆེ།།

རྣམ་གསུམ་དབྱེར་མེད་ཆེན་པོར་རྒྱུལ་གྱུར་ཅིག།།

མཐིང་སྔོན་གནམ་གྱི་མཐོངས་མཁའ་ཡངས་པ་རུ།།

ཆུ་འཛིན་བླ་བྲེའི་དར་ཐག་ཕྱོགས་སུ་འཐེན།།

གསེར་ཆེན་མེ་ཏོག་བཞད་པའི་ཡངས་ཐང་ལ།།

ཉི་བྱེད་འོད་ཀྱིས་འཁྱུད་པའི་བཤད་གྲྭ་བརྗིད།།

སྲིད་པའི་ཞེན་བཅད་ངེས་འབྱུང་སེམས་ཀྱིས་བསྐུལ།།

མ་ཆགས་འདུལ་བསྟན་འདུལ་བ་བཞིན་འཛིན་པའི།།

ཕམ་ལྷག་དྲི་བྲལ་འཕགས་པ་དགྱེས་པའི་ཚོགས།།

སྟོན་དང་བསྟན་པ་གཉིས་ཞེས་བསྔགས་དེར་འདུད།།

ཕམ་ལྷག་གཙང་མའི་དབྱིག་འཛིན་ཡངས་པ་རུ།།

འདུལ་སྡོམ་མ་ལ་ཡི་ཡོངས་འདུས་ལྗོན།།

ཡོངས་སུ་བཞད་པའི་དྲི་བསུང་དངར་མོ་ཡིས།།

གངས་ཅན་ས་སྤྱོད་ཞིང་ཀུན་ཁྱབ་གྱུར་ཅིག།།

བསླབ་གསུམ་ནོར་བུའི་མཛོད་ལ་འབང་འབྱོར་བའི།།

རྣམ་གསུམ་ཆོས་གོས་ལྷབ་ལྷུབ་གཡོ་བ་ཡི།།

ཚུལ་གསུམ་མཁས་པའི་དགེ་སྦྱོང་དག་མ་ཡིས།།

ཆོལ་གསུམ་བྷོད་ཀྱི་ས་ཆེན་མཛེས་གྱུར་ཅིག།